Main apne mitron se nishchhal dil kee baat karna chaahta hoon : Hamara desh Bharat mahan hai.Hamare paas Eeshwar se saakshaatkar karaane ke liye Shri Ramcharit Maanas aur Shrimad Bhagwadgeeta jaise mahaan pathpradarshak granth hain.Lokachar aur aadhyatmik gyaan ke liye inse bare koi guru nahi ho sakte.Yaa to ham inhe parhte nahi yaa parhkar amal nahi karte.In Mahan granthon ke rahte hamen kisi sant-fakeer ke peechhe bhagne kee jaroorat nahi hai.Ye inhi grantho ko parhkar gyaanarjan karte hain.Koi padaishee guru nahi hote.Bas anter ye hota ki ye sant-fakeer in granthon ko parhkar iska prachar karte.Is se unka bhee kalyan hota hai aur aapko apna karm yaad bhee aata hai.
Mere vichar me ham jab Santon ke saath dikhte hain to Hindu, Fakeeron ke saath hote hain to Muslim maansikta ko tusht karne kee koshish karte hain.
Kuchh log aise bhee deekhte hain jinhe maatra janta ke dukh-dardon ko sunne aur khetra kee samasyaon ke samadhan ke liye vyast rahne ke kaaran doosree baaton se koi matlab nahin rahta.Yahi inka dharm,yahi inkee pooja hai.Ham kyon nahin aise karmath samarpit purushon kee jaikar karen.Desh ko aise hi sapooton kee jaroorat hai.
No comments:
Post a Comment