मंगलमय नव वर्ष !

पधारू मंगलमय नव वर्ष!
जयति जय अभिनंदन नव वर्ष!!
उदित सुरूज़ केर किरणक जय हो,
हृदय हृदय केर मिलनक जय हो,
नवल वर्ष मे नवल गीत केर गायन हो,
सब जन निर्भय हो,
कर्मशील हो सबजन देशक उद्योगक उत्कर्ष...पधारू...।
वरद पुत्र प्रतिभक वरन हो,
अभ्युत्थानक शिखर चरण हो,
दलित पतित केर सुख-साधक जे ताहि पुरुष केर सतत नमन हो,
सतत शांति सुख रथ गतिमय हो प्रगतिक हेतु विमर्श...पधारू...।
भूमि-पुत्र केर बाहु सबल हो,
नारी केर सम्मान अटल हो,
भेद-भाव केर होय विलोपन,
देशक हित चिंतन पल-पल हो,
सब हक हक़ हो परम सुरक्षित,
पसरे चहुंदिश हर्ष...पधारू मंगलमय नव वर्ष!